شرح تطويل و صلة التحديث rs بسلك نت | تطويل وصلة السوفت للرسيفر

ن شاء الله هشرح طريقة تطويل وصلة التحديث
او وصلة السوفت او وصلة rs
كلها أسماء لوصلة واحده و هى بالشكل دا



اولًاًهتشترى سلك نت ع حسب الطول الـ انت عايزه
انا عن نفسى اشتريت 20 متر

ثانياً هتجيب وصلة التحديث او السوفت او rs
قلنا كلها أسماء لوصله واحدة
فمش هتفرق
المهم
هنقطع الوصلة من النص هتلاقى فيها 9 أسلاك صغيره

ثالثاً هنجيب سلك النت الـ اشترناه
هنمسك طرف السلك و نوصله بطرف من الوصله
لكن فى مشكلة هتقابلك
و هى ان سلك النت 8 أسلاك من الداخل
و سلك الوصلة فيه 9 أسلاك من الداخل

و الحل انك هتسيب سلكة من أسلاك الوصلة
بالتحديد السلك الـ لونه رصاصى
لأن ملوش لزمه خالص

و هتوصل الأسلاك ببعضها
و لازم تاخد بالك عشان متحصلش اى مشاكل
فـ انك يعنى توصل سلك بالغلط
لازم كل لون مع التانى
لازم تصحصح و انت بتعمل الوصلة دى عشان تعرف توصل صح



و لما تشترى لازم تعرف نوع الكابل الـ بيقبله الرسيفر
و دا عن طريق انك تبص ع الرسيفر من ورا
تشوف مكان الوصلى فيه أسنان ولا لأ
عشان لما تشترى تجيب سلك مناسب
لو كان الرسيفر فيه أسنان هتشترى وصلة من غير أسنان من الطرفين
لو الرسيفر مفهوش أسنان هتشترى وصلة بالشكل دا



هتشترى واحده بأسنان من طرف و الطرف التانى من غير


تمام ؟؟؟
و الموضوع دا انا عملته بنفسى و مجربه
مش مجرد كلام منقول و خلاص
لأ كلامى دا انا قلته زى منا عملت بالظبط

يلا كدا خلصنا
فى رعاية الله